"កណ្តុំឆែប....ឆា" ....យើងច្រើនឮពាក្យនេះឧទានឡើងពេលអ្នកណាម្នាក់ភ្ញាក់នឹងរឿងហេតុណាមួយភ្លាមៗដោយមិនបានព្រាង។ តើពាក្យនេះមានអត្ថន័យយ៉ាងណា? សៀវភៅបរិវាស័ព្ទក្នុងភាសាខ្មែរបរិយាយថា ខ្មែរយើងច្រើនប្រឌិតពាក្យពេជន៍ ដើម្បីយកមកប្រើតាមសេចក្តីត្រូវការនៃអ្នកស្រុក
មានជាអាទិពាក្យ "កណ្តុំឆែប...ឆា" ដែលអ្នកខ្លះច្រើនភ្លាត់មាត់នៅវេលាចាក់ក្រឡេកប្រលែងគ្នាលេង។ បើពុំបានគិតយើងស្មានថាជាឧទានស័ព្ទ។ ផ្ទុយទៅវិញគឺជាពាក្យចំអាស់មួយបែប ដែលអ្នកប្រាជ្ញាបុរាណចេះយកពាក្យ "ឆា" មកដាក់បញ្ឆោត ភ្ជាប់ពីខាងក្រោយបង្អស់ ដើម្បីបង្វែរដានអ្នកផងកុំឲ្យនឹកសង្ស័យរកអត្ថន័យប្រាកដឃើញ។
ពាក្យនេះយើងព្យាយាមវែកញែករកហេតុផលទៅ យើងអាចរកឃើញច្បាស់ថា ជាពាក្យគន្លាស់កាត់ មានសេចក្តីថា "កណ្តុំឆែបមួយដួយ" គន្លាស់មកថា "កណ្ត(?)យឆែបមួយដុំ"។
ប្រភពៈ សៀវភៅបរិវាស័ព្ទក្នុងភាសាខ្មែរដោយស៊ីសុវត្ថិ ប៉ូរក្ខស៊ី ឆ្នាំ១៩៧២
0 ចូលរួមបញ្ចេញមតិនៅទីនេះ:
Post a Comment