ពាក្យចាស់លោកពោលថា "ទម្លាប់ធំជាងច្បាប់" ។ ពាក្យនេះស្តែងឲ្យឃើញពីអានុភាពរបស់ទម្លាប់។ អ្វីក៏ដោយដែលក្លាយទៅជាទម្លាប់ហើយពិបាកកែណាស់។ ដូច្នេះមនុស្សគ្រប់រូបគួរជៀសវាងឲ្យបាននូវទម្លាប់អាក្រក់ទាំងឡាយ។ តែបើទម្លាប់អាក្រក់ដក់ជាប់ក្នុងខ្លួនហើយគួររកវិធីកែខៃឲ្យជ្រះស្រឡះ។ ដើម្បីនឹងកែទម្លាប់អាក្រក់បានត្រូវៈ
១. តាំងចិត្តកែយ៉ាងពិតប្រាកដៈ ត្រូវតាំងចិត្តយ៉ាងមុតមាំថា អ្នកត្រូវការកែប្រែទម្លាប់អាក្រក់ ហើយត្រូវការទម្លាប់ល្អៗជំនួសវិញ។ រាល់ពេលដែលអ្នកកែបាន នោះសន្ទុះចិត្តរបស់អ្នកក៏កាន់តែខ្លាំងឡើងដែរ។
២. គ្មានករណីលើកលែងៈ ដើម្បីកែទម្លាប់អាក្រក់បានប្រការសំខាន់បំផុត គឺត្រូវគោរពការតាំងចិត្តរបស់ខ្លួនដោយគ្មានករណីលែកលែង។ កុំគិតថា "ខុសតែមួយមិនអីទេ..." ។ ត្រូវម្ចាស់ការលើខ្លួនឯងជានិច្ច។
៣. ស្វែងរកឱកាសអនុវត្តន៍ទម្លាប់ល្អៈ ជំនួសទម្លាប់អាក្រក់ៗដោយទម្លាប់ល្អ ហើយអនុវត្តន៍ជាប្រចាំរហូតក្លាយជារឿងធម្មតាប្រចាំថ្ងៃ។
ប្រែសម្រួលដោយ សេវាកម្មបកប្រែអ៊ិនលីត
0 ចូលរួមបញ្ចេញមតិនៅទីនេះ:
Post a Comment